Nesklúbburinn > Draumahringurinn

Draumahringurinn og Eclectic

Draumahringurinn er innanfélagsmót Nesklúbbsins þar sem keppt er með Eclectic keppnisfyrirkomulagi. Öll mót ársins sem fara fram í Nesklúbbnum og opin eru félagsmönnum, frá maí til septembers eru hluti af Draumahringnum. Þeir sem ekki vilja taka þátt í Draumahringnum láti vita með tölvupósti (nkgolf@nkgolf.is) eða láti mótanefnd vita. Ekkert gjald er fyrir þátttöku í Draumahringnum. Lokamót Draumahringsins er sérstakt mót og þeir sem taka þátt í því greiða þátttökugjald.

Keppt verður í eftirtöldum flokkum óháð kyni og aldri:
Forgjöf - - 4,4
Forgjöf 4,5 - 11,4
Forgjöf 11,5 - 18,4
Forgjöf 18,5 - 26,4
Forgjöf 26,5 - 36,0
Flokkun ræðst af forgjöf golfarans þegar hann tekur þátt í sínu fyrsta móti í Draumahringnum.

Verðlaun verða veitt fyrir besta skor í hverjum flokki. Séu skorin þau sömu ákvarðast sigurvegari eftir besta skori á síðustu níu holum. Séu skorin enn jöfn ákvarðast sigur samkvæmt skori á síðustu sex holum, síðustu þremur eða á 18. holu. Verði keppendur enn jafnir ræður hlutkesti. Verðlaunaafhending fer fram á Lokamóti Draumahringsins.

Eftirfarandi mót gilda í draumahringnum:

Draumahringurinn - 24. ágú 2019
OPNA COCA-COLA - 11. ágú 2019
OPNA HÓTEL SAGA - 26. júl 2019
MEISTARAMÓT NESKLÚBBSINS - 29. jún 2019
OPNA ICELANDAIR - 17. jún 2019
NESSKIP - styrktarmót unglinga - OPIÐ - 2. jún 2019
ECCO forkeppnin - 18. maí 2019

Eclectic eða Eclectic-mót er fjöldinn allur af spiluðum hringjum á sama velli yfir ákveðið tímabil sem gefur 18 holu skor fyrir hvern spilara.

Eclectic virkar þannig að spilari leikur X fjölda hringja og ber saman skor sitt á hverri holu í hverjum hring. Lægsta skor á hverri holu er skráð, þannig að það náist 18 holur. Dæmi: Golfari spilar þrjá hringi yfir ákveðið tímabil. Í fyrsta skiptið fær hann 7 högg á 1. braut. Í öðrum hring fær hann 4 högg á 1. braut og í þriðja hring fær hann 6 högg á 1. braut. Skor spilarans fyrir fyrstu braut er því 4 högg.

Lægsta skor á hverri holu er skráð á skortöfluna og verður skor spilarans í Eclectic-mótinu.