Barna- og unglingastarf

Æfingatímar Barna- og unglingastarf veturinn 2021-2022:

Æfingar drengja í 1.-2. bekk fimmtudaga kl 13:45
Æfingar drengja í 3.-4. bekk þriðjudaga kl 13:35
Æfingar drengja í 3.-4. bekk föstudaga kl 14:15

Æfingar drengja í 5.-9. bekk þriðjudaga kl 14:30 (ATH Drengir í 5.-9. bekk geta valið um tvo ólíka tíma á þriðjudögum og tvo ólíka tíma á fimmtudögum eftir því hvaða tímar henta best í dagskrána.

Æfingar drengja í 5.-9. bekk þriðjudaga kl 15:30
Æfingar drengja í 5.-9. bekk fimmtudaga kl 14:30
Æfingar drengja í 5.-9. bekk fimmtudaga kl 15:30

Æfingar stelpur 12 ára og yngri miðvikudaga kl. 16:30
Æfingar stelpur 12 ára og yngri laugardaga kl 12:30
Æfingar stelpur 13 ára og eldri miðvikudaga kl 17:30
Æfingar stelpur 13 ára og eldri laugardaga kl 13:30

Æfingar drengja keppnishópur yngri árgangar 2004-2006 þriðjudaga kl 15:30
Æfingar drengja keppnishópur yngri árgangar 2004-2006 föstudagar kl16:00

Við reiknum með að flestir sem komnir eru í 3. bekk og eldri séu að æfa tvisvar í viku og er æfingaáætlun sett upp í samræmi við það en ef þátttakandi getur af einhverjum ástæðum, eins og til dæmis skörun við aðrar æfingar bara verið á einni æfingu í viku þá er hægt að skrá sig á eina æfingu í viku. Æfingagjald vetrarins er 25.000 kr fyrir tvær æfingar og 12.500 kr fyrir þá sem ná bara að vera 1x í viku.

Skráningar á æfingar hjá Nesklúbbnum fara í geng um Sportabler: sportabler.com/shop/nesklubburinn

 

Þjálfunarmarkmið Nesklúbbsins í barna- og unglingastarfi

Nesklúbburinn hefur í barna- og unglingastarfi sínu ávallt til hliðsjónar stefnuyfirlýsingu Íþrótta- og Ólympíusambands Íslands (ÍSÍ) um íþróttir barna- og unglinga og starfar eftir þeirri stefnu.  Markmið með þjálfun barna og unglinga hjá Nesklúbbnum eru fjölþætt. Nesklúbburinn leggur mikla áherslu á að veita öllum sínum iðkendum tækifæri og þjálfun til að feta sína leið á sínum forsendum í golfinu, hvort sem markmiðið er að gera atlögu að því að ná alla leið í keppnisgolfinu á fullorðinsaldri eða einfaldlega að njóta þeirra fjölmörgu ávinninga sem skipulagt íþróttastarf getur haft í för með sér fyrir líðan og heilsu ungs fólks.

Nesklúbburinn leggur áherslu á:

  • að veita iðkendum sínum öruggt umhverfi þar sem þeir geta unnið, með góðum stuðningi þjálfara, að því að bæta færni sína í ólíkum þáttum golfleiksins.
  • að hafa færa og menntaða þjálfara í forsvari fyrir barna- og unglingaþjálfun klúbbsins.
  • að efla félagstengsl og jákvæðan liðsanda iðkenda með liðssamkomum og fræðslu.
  • að setja fram viðeigandi áherslur og markmið í þjálfun ólíkra aldurshópa.
  • að efla jafnrétti á allan hátt og halda áfram að auka þátttöku stúlkna í golfi.
  • að efla andlegan, líkamlegan og félagslegan þroska iðkenda.
  • að kenna iðkendum siðferðisleg gildi golfíþróttarinnar.
  • að tryggja að allir iðkendur Nesklúbbsins fái verkefni við hæfi.
  • að fjöldi iðkenda fari helst ekki yfir 8 á hvern þjálfara á æfingum á vegum klúbbsins.
  • að æfingaaðstaða Nesklúbbsins sé til fyrirmyndar á landsvísu.
  • að tryggja menningu í starfinu þar sem samskipti iðkenda eru jákvæð og uppbyggjleg, bæði á æfingum og í keppni.
    að skapa iðkendum umhverfi til þess að upplifa golfið á jákvæðan hátt með það að leiðarljósi að golfiðkunin geti verið jákvæður hluti af heilsusamlegum lífsstíl alla ævi.
  • að þjálfunin og upplifun iðkenda af skipulagðri golfiðkun hjá Nesklúbbnum hafi jákvæð áhrif á önnur svið lífs iðkenda.

Keppnishópar:

Sérstök markmið með þjálfun keppnishópa og afrekskylfinga Nesklúbbsins eru eftirfarandi:

  • Að Nesklúbburinn hafi á að skipa breiðan hóp kylfinga í fremstu röð á landsvísu að 5 árum liðnum (2027).
  • Að Nesklúbburinn eignist á næstu 5 árum þátttakendur í unglingalandsliðum og/eða karla- og kvennalandsliðum Íslands.
  • Að bjóða upp á framúrskarandi þjálfun fyrir kylfinga sem stefna að því að ná langt í golfinu.
  • Að stuðningur stjórnar og félagsmanna við keppnisfólk klúbbsins sé góður og í samræmi við metnað starfsins.
  • Að leggja áherslu á að að afrekskylfingar klúbbsins séu góðar fyrirmyndir fyrir yngri iðkendur og styrki ímynd Nesklúbbsins út á við.
  • Að Nesklúbburinn eigi sveitir á unglingastigi sem geri atlögu að verðlaunasætum og Íslandsmeistaratitlum golfklúbba í unglingaflokkum á næstu 5 árum.

Allar nánari upplýsingar veitir Steinn B. Gunnarsson íþróttastjóri klúbbsins, steinn@nkgolf.is