Annar dagur meistaramóts – eftir hádegi

Fjórir flokkar spiluðu eftir hádegi í dag, sunnudag. 3. og 4. flokkur karla léku sinn annan hring og þá hófst keppni í unglingaflokkum, annarsvegar stúlknaflokki 18 ára og yngri og hinsvegar drengja 14 ára og yngri.

4. flokkur karla

Keppni í 4. flokki karla er jöfn og spennandi. Ólafur J. Straumland hefur spilað hringina tvo á 66 punktum, tveimur punktum fleiri en Eggert Benedikt Guðmundsson sem er annar og þremur punktum fleiri en Gunnar Lúðvíksson sem er þriðji. Stutt er í næstu menn og ljóst að keppnin verður áfram spennandi.

 3. flokkur karla

 Jón Ingvar Jónasson styrkti stöðu sína í efsta sæti með hring upp á 89 högg. Jón Ingvar er sex höggum betri en Friðþjófur A Árnason sem er annar, höggi á undan Árna Indriðasyni.

Stúlknaflokkur 18 ára og yngri

Keppni í stúlknaflokki hófst í dag og eftir fyrsta dag leiðir Salvör Jónsdóttir Ísberg hópinn. Salvör lék á 96 höggum og hefur átta högga forskot á Kristínu Rún Gunnarsdóttur sem er önnur. Matthildur María Rafnsdóttir er þriðja, höggi á eftir Kristínu.

Drengir 14 ára og yngri

Það voru kylfingar í drengjaflokki 14 ára og yngri sem voru í síðustu ráshópum á öðrum keppnisdegi meistaramótsins. Það sáust fín tilþrif hjá þessum efnilegu kylfingum en best allra lék Gunnar Geir Baldursson á 81 höggi. Flottur hringur hjá Gunnari Geir sem skilaði honum 39 punktum. Dagur Logi Einarsson er skammt undan en hann spilaði á 82 höggum í dag. Þriðji eftir fyrsta hring er Sveinn Þór Sigþórsson en hann lék á 86 höggum.