Þriðji dagur meistaramóts – fyrir hádegi

Fimm flokkar léku fyrir hádegi á meistaramótinu í dag í ágætis veðri. Langþráð rigning lét loks sjá sig en vindur var lítill og því kjör aðstæður til golfleiks.

 Línur eru farnar að skýrast í öllum þeim flokkum sem léku fyrir hádegi, en þar er aðeins lokarhringurinn eftir.

3. flokkur karla

Jón Ingvar Jónasson styrkti enn stöðu sína í fyrsta sæti og hefur nú sjö högga forskot á næsta mann. Jóakim Þór Gunnarsson er í öðru sæti eftir frábæran hring í dag, Jóakim lék á 87 höggum sem skilaði honum 41 punkti. Frábær spilamennska hjá Jóakim en þetta er annar hringurinn á meistaramótinu sem gefur honum góða lækkun. Í þriðja sæti fyrir lokahringinn, fimm höggum á eftir Jóakim er Friðþjófur A Árnason. Fáein högg eru í næstu menn á eftir og ljóst að allt stefnir í spennandi keppni á morgun.

Drengir 14 ára og yngri
Gunnar Geir Baldursson lék á 81 höggi annan daginn í röð, flott spilamennska hjá Gunnari en hann er að spila undir forgjöf. Gunnar á níu högg á Dag Loga Jónsson fyrir lokahringinn og tólf högg á Svein Þór Sigþórsson sem er þriðji.

 4. flokkur karla

Eggert Benedikt Guðmundsson hefur tyllt sér í efsta sætið fyrir lokahringinn en hann hefur leikið hringina þrjá á 97 punktum. Í öðru sæti, aðeins einum punkti á eftir Eggert er Gunnar Lúðvíksson og þriðji er Ólafur Straumland á 94 punktum.

 3. flokkur kvenna

Karitas Kjartansdóttir er í mjög góðri stöðu fyrir lokahringinn í þriðja flokki kvenna, en Karitas er með 21 punkt í forskot og hefur spilað á 102 punktum samtals. Önnur er Áslaug Dóra Eyjólfsdóttir eftir frábæran 40 punkta hring í dag, samtals á 81 punkti. Þriðja er Fjóla Guðrún Friðrikdsdóttir á 77 punktum samtals.

 Stúlknaflokkur 18 ára og yngri

 Í stúlknaflokki hefur Salvör Jónsdóttir Ísberg 10 högga forystu á Matthildi Maríu Rafnsdóttur sem er önnur. Þremur höggum á eftir Matthildi og í þriðja sæti er Margrét Mjöll Benjamínsdóttir sem átti góðan hring í dag, hún lék á 99 höggum og fékk fyrir það 39 punkta.