Kæru NK konur,
Við viljum minna á fyrsta þriðjudagsmót sumarsins sem verður haldið nk þriðjudag 14. maí.
Reglur fyrir þriðjudagsmót NK kvenna:
Kvennamótin eru fyrst og fremst ætluð til að hafa gaman en auðvitað er nauðsynlegt að hafa reglur um þau því allar viljum við að þau séu sanngjörn.
– Heimilt er að byrja að spila:
o 9 holur á milli kl. 09.00 og 20.00
o 18 holur á milli kl. 09.00 og 18.00
– Skrá verður þátttöku og greiða gjald áður en leikur hefst.
– Skráning í mót er á þátttökublaði í kvennanefndarkassanum í veitingasölu og þátttökugjald 1.000 kr. er greitt í umslag í kassanum.
– Ef 18 holur hafa verið spilaðar er ekki heimilt að skila inn skorkorti fyrir 9 holur.
– Ef leiknar eru 18 holur skal spila þær eins og í öðrum mótum og ekki heimilt að taka langt hlé á milli hringja.
Að öðru leyti gilda almennir keppnisreglur Nesklúbbsins.
Kennsla:
Steinn Baugur mun vera með kennslu á miðvikudögum kl.17:00 og hefjast tímar í byrjun júní (fylgist með á töflu varðandi nánari upplýsingar)
Vonandi sjáumst við sem flestar og höfum gaman af!
Kvennanefndin