Í dag fór fram afmælismót Nesklúbbsins sem haldið var í tilefni af 50 ára afmæli klúbbsins. Fínt veður var fram eftir degi og þó aðeins hafi bæst í vindinn þegar líða tók á var frábær þátttaka í mótinu þar sem 188 félagar úr klúbbnum hófu leik. Boðið var upp á rjúkandi vöfflur á meðan á mótinu stóð og var skálinn skreyttur með blöðrum og fínheitum. Mótið sjálft var punktamót og voru veitt verðlaun fyrir þrjú efstu sætin ásamt nándarverðlaunum á par 3 holum. Frábær skor litu dagsins ljós hjá mörgum kylfingum og fór þar fremst Ragna Kristín Guðbrandsdóttir sem hlaut 26 punkta sem er glæsilegur árangur. Annars urðu helstu úrslit eftirfarandi:
Punktakeppni:
1. sæti – Ragna Kristín Guðbrandsdóttir – 26 punktar
2. sæti – Kristbjörg Jóhannsdóttir – 24 punktar
3. sæti – Rögnvaldur Dofri Pétursson – 23 punktar
Nándarverðlaun:
2. braut – Oddný Rósa Halldórsdóttir – 31,5cm
5. braut – Gísli Birgisson – 151,5cm
ATH: Mótið verður ekki gert upp til forgjafar en þeir sem vilja færa það inn á golf.is geta nálgast skorkortið sitt á skrifstofunni.
