Afmælismót Nesklúbbsins verður haldið á Nesvellinum fimmtudaginn 12. júní í tilefni af 50 ára afmæli klúbbsins.
Fyrirkomulagið er 9 holu punktamót þar sem félagsmenn geta komið og spilað þegar þeir vilja. Hefja má leik á milli kl. 09.00 og 20.00. Eingöngu er heimilt að taka einn hring í mótinu þó völlurinn verði að sjálfsögðu opinn fyrir þá sem vilja spila meira. Allir skulu skrá sig til leiks á skrifstofunni áður en byrjað er að spila í mótinu.
Veitt verða verðlaun fyrir þrjú efstu sætin ásamt nándarverðlaunum á par 3 holum.
Mótsgjald er kr. 0
Boðið verður upp á heitar vöfflur með sultu og rjóma á milli kl. 11.00 og 20.00 eða á meðan birgðir endast.
Allir félagsmenn eru hvattir til þess að mæta og eiga saman ánægjulegan dag í góðu veðri og fagna um leið þessum merku tímamótum hjá klúbbnum okkar.
