Draumahöggið 2020 – leikfyrirkomulag

Kæru Einherjar,

Til hamingju með að hafa farið holu í höggi á síðustu 12 mánuðum – nú býðst ykkur tækifæri til að gera frábært afrek enn betra. 

Það eru 74 kylfingar skráðir í mótið og verður því hörð keppni.

Vegna Covid þurfum við að breyta örlítið umgjörðinni en það mun vonandi ekki breyta upplifun ykkar á neinn hátt og munið að það þurfa allir að hafa tveggja metra regluna að leiðarljósi – við hlýðum Víði. 

Skipulagið er því eftirfarandi.

1.       Mæting er á Nesvöllinn, Seltjarnarnesi kl. 9.30 (Ath. æfingasvæðið verður opið frá kl. 07.00 fyrir þau ykkar sem vilja. (Fríir boltar munu liggja við motturnar.)

2.       Í stað þess að þið komið inn í golfskála og dragið númer eins og reglur mótsins segja til um, munum við taka á móti ykkur fyrir utan skálann með „teiggjöf“. 
ATH. Það er nauðsynlegt í allri skipulagningu að allir láti vita af sér um leið og þeir mæta.

3.       Útaf Covid verðum við að úthluta ykkur rásnúmerum sem eru meðfylgjandi neðst í þessum pósti og þau munu birtast á heimasíðu Nesklúbbsins, nkgolf.is í dag.

4.       Hver og einn keppandi þarf að merkja boltann sinn með úthlutuðu númeri.  Við munum bjóða upp á til þess fallandi merkingarpenna á staðnum fyrir ykkur sem ekki eigið slíkan penna, þannig að hafið ekki áhyggjur – það reddast.

5.       Við munum biðja ykkur um klukkan 09.50 að ganga  út á 2. teig þar sem þetta fer fram (það verður starfsfólk til að leiðbeina fyrir ykkur sem ekki ratið).

6.       Fyrsta högg verður slegið kl. 10.00 þannig að vinsamlegast mætið tímanlega þangað. Þeir keppendur sem ekki verða á staðnum þegar nöfn þeirra verða kölluð upp falla úr leik.

7.       Þið verðið kölluð upp á teig eitt af öðru samkvæmt áðurnefndri númeraröð.

8.       Ykkur er frjálst að fara þegar þið hafið lokið leik en það væri gaman að sjá ykkur fylgjast með hinum og búa til stemningu.

9.       Þegar allir hafa klárað verður haldið upp að golfskálanum aftur og allir geta sótt sína golfbolta.

10.   Vegna aðstæðna verður því miður engin sameiginleg hressing að keppni lokinni, en það verður að sjálfsögðu haldin verðlaunaafhending fyrir utan skálann.

a.       Þau ykkar sem munu hitta flötina fá viðurkenningu frá VERÐI

b.       Sá keppandi sem verður næstur holu fær 50 þúsund króna gjafabréf frá VITA ferðum (plús viðurkenningu frá VERÐI)

c.       Ef eitthvert ykkar fer „holu í höggi“ fær viðkomandi „Mercedes-Benz“ til eignar, gjafabréfið frá VITA og viðurkenningu frá VERÐI“.

11.   Sjá allar nánari mótsreglur á Golfbox.

Umfram allt:

Skemmtið ykkur vel – þið hafið gert þetta áður – farið holu í höggi á morgun og vinnið eitt stykki Benz.

Við óskum ykkur alls hins besta og vonið að þið njótið vel.

Ef frekari upplýsinga er óskað vinsamlegast hringið í síma: 860-1358 fyrir klukkan 18.00 í dag.

Með Einherjakveðju,

Nesklúbburinn – Einherjaklúbburinn – Golfsamband Íslands –
Styrktaraðilar: Askja, Vörður, VITA ferðir og Lottó