Meistaraflokkar hófu leik í morgun – staða flokka fyrir hádegi

Það var sannkölluð flugeldasýning hjá meistaraflokki karla þegar þeir hófu leik í morgun. Aðstæður voru frábærar og leikmenn nýttu sér það til fulls. Meistaraflokkur kvenna og 1. flokkur karla hófu einnig leik í dag og þá var spilað í flokki 15 – 18 ára drengja.

Meistaraflokkur – staða

Efstur að loknum fyrsta hring er Nökkvi Gunnarsson. Nökkvi spilaði á 65 höggum, fékk meðal annars einn örn og átta fugla. Ólafur Björn Loftsson er annar á 68 höggum og jafnir í þriðja til fjórða sæti eru Haukur Óskarsson og Oddur Óli Jónasson á 69 höggum og fimmti er Þórarinn Gunnar Birgisson á 70 höggum. Glæsileg skor öll undir pari vallar og forgjafalækkanir hjá mörgum kylfingum.  

 1. flokkur karla

Það léku margir kylfingar í fyrsta flokki frábært golf rétt eins og í meistaraflokki. Kristinn Karl Jónsson lék manna best og er efstur á 71 höggi. Annar er Gunnlaugur H Jóhannsson á 74 höggum, þriðji Árni Muggur Sigurðsson á 76 höggum og jafnir í fjórða til fimmta sæti eru Rósant Freyr Birgisson og Jónas Hjartarson á 80 höggum. Glæsileg spilamennska og margir að spila undir forgjöf.

Meistaraflokkur kvenna

 Karlotta Einarsdóttir er efst í meistaraflokki kvenna, en Karlotta lék á 85 höggum í dag. Höggi á eftir Karlottu í er Áslaug Einarsdóttir á 86 höggum og þriðja er Helga Kristín Gunnlaugsdóttir á 89 höggum.

Drengir 15 – 18 ára

 Eiður Ísak Broddason er efstur eftir tvo hringi í flokki drengja 15-18 ára. Eiður Ísak hefur spilað frábært golf báða dagana og er fimm yfir pari samtals á 149 höggum. Annar er Eggert Rafn Sighvatsson á 176 höggum samtals og jafnir í þriðja til fjórða sæti eru Sigurður Örn Einarsson og Pétur Theodór Árnason, höggi á eftir Eggerti á 177 höggum samtals.