Meistaramót miðvikudagur – staða eftir hádegi

Það blés eilítið á keppendur eftir hádegi í dag og eitthvað virtist það hafa áhrif á skorið sem var í mörgum tilfellum ekkert til að hrópa húrra fyrir.

2. flokkur karla – staðan

2. flokkur karla hóf leik eftir hádegi í dag. Guðlaugur Hafsteinn Egilsson lék manna best eða á 80 höggum sem skilaði honum 43 punktum. Glæsileg spilamennska! Annar er Hannes Sigurðsson á 81 höggi og þriðji Hólmsteinn Björnsson á 82 höggum.

1. flokkur kvenna – staðan

Í fyrsta flokki kvenna styrkti Sigrún Edda Jónsdóttir stöðu sína í fyrsta sæti. Sigrún Edda hefur leikið hringina tvo á 171 höggi, 18 höggum betur en Erla Ýr Kristjánsdóttir sem er önnur. Í þriðja sæti er Oddný Rósa Halldórsdóttir en mjótt er á munum hjá keppendum í öðru til fimmta sæti.