Meistaramót klúbbsins 2024 hófst í gær þegar að barna- og unglingaflokkar hófu leik. Skráning í forgjafar og fullorðinsflokka lauk í gærkvöldi og endaði það svo að nýtt þátttökumet var slegið. Á þessu 60 ára afmælisári klúbbsins eru 232 þátttakendur skráðir til leiks í 19 flokkum og er þetta því algjör veisla sem stendur yfir og framundan er. Flestir þátttakendur eru í 3. flokki karla en heilt yfir er góð skráning á öllum vígstöðum og geta keppendur farið að hlakka til því búast má við spennandi keppni í öllum flokkum. Nú liggur fyrir endanleg niðurröðun á rástímatöflunni og er hún hér birt með þessari frétt. Taflan er að sjálfsögðu birt með fyrirvara um breytingar. Rástímar fyrir laugardaginn verða svo birtir á Golfbox á morgun, föstudag, og þar má fylgjast með öllum úrslitum mótsins.
