Eins og fram hefur komið var ákveðið að framkvæma skoðanakönnun meðal félagsmanna Nesklúbbsins um hvort rástímabókanir ættu að vera viðvarandi áfram í sumar eða hvort hverfa ætti aftur til boltarennunnar. Gallup hefur verið falið að framkvæma þessa könnun. Undanfarna daga hafa félagsmenn verið hvattir til þess að uppfæra netföngin sín á Golfbox sem notuð verða við framkvæmd könnunarinnar.
Öllum netföngum var skilað til Gallup í dag og mega félagsmenn því eiga von á tölvupósti á næstunni og þeir beðnir um að taka þátt í könnuninni.
ATH: Öllum reglum Gallup um framkvæmd slíkra kannana verður framfylgt. Þar á meðal sú regla að könnunin verður ekki send á þá einstaklinga sem eru „bannmerktir“ í þjóðskrá. „Bannmerkt“ þýðir að viðkomandi afþakkar eða vill öllu jafna ekki taka þátt í slíkum könnunum. Viðkomandi einstaklingar geta haft samband á skrifstofu Nesklúbbsins hafi þeir hug á að taka þátt í þessari könnun.
Við hvetjum þig til að segja þína skoðun og taka þátt í könnuninni
Stjórn Nesklúbbsins
