Hið árlega Styrktarmót unglinga sem haldið er í samstarfi við NESSKIP var haldið í blíðskaparveðri á Nesvellinum í dag. það voru 108 kylfingar sem öttu kappi en gríðarlega mikil aðsókn var í mótið og komust mun færri að en vildu. Allur ágóði mótsins er til styrktar unglingastarfi klúbbsins. Veðrið bauð svo sannarlega upp á góðar tölur á skorkortum dagsins og varð raunin sú. Það voru í heildina 12 kylfingar sem lækkuðu í forgjöf en best stóð sig Matthildur María Rafnsdóttir sem átti sannkallaðan draumahring og fékk 48 punkta. Veitt voru verðlaun í mótinu fyrir efstu þrjú sætin í punktakeppni, 15. og 25. sæti í punktakeppni ásamt besta skori og nándarverðlaunum. Helstu úrslit urðu eftirfarandi:
Punktakeppni:
1. sæti – Matthildur María Rafnsdóttir, NK – 48 punktar
2. sæti – Valdimar Finnsson, GKG – 43 punktar
3. sæti – Sindri Friðriksson, NK – 43 punktar
15. sæti – Hólmsteinn Björnsson, NK
25. sæti – Gunnar Geir Baldursson, NK
Höggleikur
1. sæti – Ólafur Björn Loftsson, NK – 71 högg
Nándarverðlaun
2./11. hola – Steinunn Svansdóttir – 58 cm. frá hol
5./14. hola – Steindór Hilmarsson – 1,90m frá holu
Nánari úrslit má sjá hér.
