Úrslit í 1. flokki kvenna og staðan hjá 2. flokki karla

Annar flokkur karla fór út strax eftir hádegi í dag og ruddi brautina fyrir lokahringinn hjá fyrsta flokki kvenna. Sigrún Edda Jónsdóttir sigraði í fyrsta flokki kvenna og Hinrik Þráinsson er efstur í öðrum flokki karla.

2. flokkur karla – staðan

Hinrik Þráinsson hefur þriggja högga forskot fyrir lokahringinn en Hinrik hefur leikið hringina þrjá á 251 höggi. Annar er Hólmsteinn Björnsson og einu höggi á eftir Hólmsteini og jafnir í þriðja til fjórða sæti eru Þorsteinn Guðjónsson og Þorvaldur Jóhannesson. Það er því útlit fyrir æsispennand lokahringur framundan á morgun.

 1. flokkur kvenna – úrslit

Sigrún Edda Jónsdóttir hafði að lokum nokkuð öruggan sigur í fyrsta flokki kvenna, sigur sem hún lagði grunninn að með frábærum fyrsta hring. Sigrún hafði 14 högga sigur en önnur varð Oddný Rósa Halldórsdóttir. Þriðja varð Jórunn Þóra Sigurðardóttir eftir nokkuð jafna og spennandi keppni um þriðja sætið.