Nesvellir eru komnir úr sumarfríi og er nú opið fyrir bókanir í golfhermana á boka.nkgolf.is.
Nesvellir eru inniaðstaða Nesklúbbsins þar sem félagsmenn og aðrir kylfingar geta haldið golfinu gangandi yfir vetrarmánuðina. Í haust voru settir upp sex glænýir TrackMan iO golfhermar og í aðstöðunni er einnig æfingaflöt fyrir pútt og vipp og aðstaða til styrktarþjálfunar.
Hvort sem þú vilt vinna í sveiflunni, skerpa á stutta spilinu eða spila hring með félögunum er tilvalið að kíkja á Nesvelli.
Nánari upplýsingar um Nesvelli eru á nkgolf.is/inniadstada.
Bókaðu tíma á boka.nkgolf.is — við hlökkum til að sjá ykkur á Nesvöllum í vetur!
