Aðalfundur Nesklúbbsins 2023 haldinn í gær

Aðalfundur Golfklúbbs Ness – Nesklúbbsins var haldinn í Hátíðarsal Gróttu í gær, þriðjudaginn 28. nóvember.  Fundurinn var fjölmennur í þetta skiptið þar sem rétt tæplega 100 félagsmenn mættu.

Helstu dagskrárliðir voru þeir að Þorsteinn Guðjónsson formaður klúbbsins gerði grein fyrir skýrslu stjórnar og þá gerði Guðrún Valdimarsdóttir, gjaldkeri grein fyrir reikningunum sem voru svo lagðir fram til atkvæðagreiðslu af fundarstjóra og voru þeir samþykktir samhljóða.

Helstu tölur úr rekstri klúbbsins voru að rekstrartekjur voru tæplega 164 milljónir  og rekstrargjöld rúmlega 138 milljónir.  Eftir framkvæmdir og fjárfestingar var hagnaður á starfsemi ársins 9.300 þúsund.  Nánar má sjá ársskýrslu og reikninga félagsins með því að smella hér

Á fundinum voru ákveðin félagsgjöld fyrir árið 2024 sem tók mið af um 10% hækkun að meðaltali í samræmi við almennar verðlagshækkanir,  hækkun á GSÍ félagsgjaldinu ásamt inneign á Nesvöllum sem var lögð fyrir fundinn.    Fundarstjóri bar tillöguna upp og var hún samþykkt samhljóða.  Félagsgjöld fyrir árið 2024 verða því eftirfarandi:

Engar lagabreytingar lágu fyrir fundinunum.

Kosning stjórnar:

Þorsteinn Guðjónsson sitjandi formaður var einn í framboði til formanns fyrir næsta ár og hann því rétt kjörinn formaður til eins árs við miklar undirtektir fundargesta.

Í framboði til stjórnar voru fimm frambjóðendur sem sóttust eftir þremur sætum.  Að lokum fór svo að þau Ásgeir Bjarnason, Elsa Nielsen og Guðrún Valdimarsdóttir hlutu flest atkvæði að loknum kosningum og þau því rétt kjörin til stjórnarsetu til næstu tveggja ára.

Stjórn klúbbsins fyrir tímabilið 2024 verður því þannig skipuð:

Þorsteinn Guðjónsson, formaður

Stjórn:

Árni Vilhjálmsson
Ásgeir Bjarnason
Elsa Nielsen
Guðrún Valdimarsdóttir
Jóhann Karl Þórisson
Þórkatla Aðalsteinsdóttir