Púttmót á sunnudaginn á milli kl. 11.00 og 13.00. Síðasta sunnudag mættu tæplega 50 félagsmenn og tóku þátt sem er frábært. Allir félagsmenn eru hvattir til þess að mæta og taka einn pútthring (eða fleiri), hittast og fá sér kaffisopa.
Verðlaun verða hér eftir veitt fyrir efstu sætin í bæði karla- og kvennaflokki.
1. sæti: Klukkutími í golfherminum og hálftími í Flightscope höggnemanum
2. sæti: Klukkutími í golfherminum
3. sæti: hálftími í Flightscope höggnemanum
Reglurnar eru eftirfarandi:
* Leiknar eru 18 holur og kostar hver hringur kr. 500
* Óheimilt er að leika „keppnishringinn“ áður en leikur hefst en heimilt verður að hita upp eins og hver og einn vill.
* Heimilt er að spila fleiri en einn hring hverju sinni og kostar þá hver aukahringur kr. 500 en eingöngu besti hringurinn telur.
* Hægt er að hefja leik á milli kl. 11.00 og 13.00
* Verði tveir eða fleiri jafnir í verðlaunasætum telja fyrst seinni 9, svo síðustu 6, þá síðustu 3 og að lokum síðasta holan. Verði keppendur ennþá jafnir verður varpað hlutkesti.
Nánari reglur um púttmótin má sjá á eftirfarandi slóð: http://nkgolf.is/Article/fyrsta_pttmti__morgun_2017_01_07_13_28_50