Glæsilegir vinningar í styrktarmóti Nökkva á fimmtudaginn

Eins og áður hefur komið fram mun á morgun, fimmtudaginn 28. júní verða haldið styrktarmót fyrir Nökkva Gunnarsson sem heldur í októbermánuði til keppni í Bandaríkjunum.  Mótið hefst klukkan 08.00 og mun standa fram á kvöld þar sem í mótslok verður glæsileg verðlaunaafhending um kl. 22.30.  Mótið er opið öllum kylfingum og ekki þarf að bóka rástíma heldur mætir fólk bara og hefur leik þegar því hentar.  Leiknar verða 9 holur eftir punktafyrirkomulagi með forgjöf. Þar fyrir utan verður fjöldinn allur af aukavinningum þar sem m.a. verður lukkuhola.  Allir keppendur í mótinu fá einn bolta og gefst tækifæri á að pútta u.þ.b. 10 metra pútti í stóra holu og fara þannig í pott þar sem dregnir verða út glæsilegir vinningar í mótslok.  Hægt verður að kaupa sér fleiri bolta fyrir aðeins kr. 500 stykkið og auka þannig líkurnar.  Einnig verða veitt verðlaun fyrir besta skor, nákvæmasta upphafshöggið, nándarverðlaun á par 3 holum ásamt því að dregið verður úr skorkortum í mótslok.

Fólki gefst kostur á að fara eins marga hringi og það vill gegn kr. 3.000 sem er mótsgjald fyrir hvern hring.

Nesklúbburinn hvetur alla til þess að láta sjá sig og taka þátt í skemmtilegum degi á Nesinu ásamt því að styrkja Nökkva til frekari keppni á erlendri grundu.

Vinningaskrá í mótinu: