Í Meistaramótinu sem hefst á laugardaginn verður í fyrsta skipti leikið bæði í höggleik og punktakeppni í öldungaflokkum beggja kynja 65 ára og eldri og verða veitt verðlaun í báðum flokkum.
Í stuttu máli verður það þannig að allir í viðkomandi flokki verða skráðir saman inni á golf.is. Ef og þá þegar kylfingur klárar ekki einhverja braut og þannig „x-ar“ hana að þá hefur hann sjálfkrafa hætt í höggleiksmótinu en heldur áfram í punktakeppninni.
Þetta fyrirkomulag er nú sett fram af mótsstjórn í fyrsta skipti og vill hún með því reyna að höfða til sem flestra sem áhuga hafa á að taka þátt í mótinu.
Skráning í Meistaramótið fer fram í möppunni góðu sem staðsett er í golfskálanum.