Þriðji keppnisdagur meistaramóts Nesklúbbsins fór vel af stað í morgun þegar þrír flokkar léku við frábærar aðstæður í blankalogni. C flokkur kvenna reið svo á vaðið eftir hádegi og svo öldungaflokkar og stúlknaflokkur, en í öllum þeim flokkum réðust úrslit í dag.
Í Öldungaflokki karla 55 – 69 ára hafði Arngrímur Benjamínsson nokkuð öruggan sigur eftir að hafa verið í forystu frá byrjun. Arngrímur lék gott og stöðugt golf og spilaði hringina þrjá á samtals 12 höggum yfir pari. Annar varð Jóhann Reynisson og Friðþjófur Helgason varð þriðji.
Í Öldungaflokki karla 70 ára og eldri voru Haraldur Kristjánsson og Kjartan L Pálsson jafnir að loknum þremur hringjum á 260 höggum. Því varð að grípa til bráðabana þar sem Haraldur hafði betur. Í þriðja sæti varð Leifur Gíslason.
Miklar sviptingar urðu í Öldungaflokki kvenna á lokahringnum. Kristín Erna Gísladóttir spilaði frábært golf og tryggði sér sigur í flokknum með hring upp á 88 högg og þrjá hringi samtals á 276 höggum. Jónína Birna Sigmarsdóttir varð önnur á 279 höggum og Þuríður Halldórsdóttir þriðja á 286 höggum. Þuríður spilaði einnig frábært golf í dag, 89 högg og 39 punktar tryggðu henni þriðja sætið.
Í Stúlknaflokki hélt Kristín Rún Gunnarsdóttir uppteknum hætti og spilaði undir forgjöf þriðja daginn í röð, nú á 39 punktum. Hún vann stúlknaflokkinn nokkuð örugglega á samtals 118 punktum, í öðru sæti varð Matthildur María Rafnsdóttir á 102 punktum samtals og Margrét Mjöll Benjamínsdóttir varð þriðja á 95 punktum. Flott spilamennska hjá stelpunum og verður gaman að fylgjast með þeim áfram.
Í C flokki kvenna er mikil spenna fyrir lokadaginn. Helga Guðmundsdóttir spilaði mjög vel í dag og minnkaði forskot Karitasar Kjartansdóttur niður í fimm högg.
Í 3. flokki karla hefur Einar Magnús Ólafsson tyllt sér í efsta sætið fyrir lokahringinn með stöðugri spilamennsku, en hann er með þriggja högga forystu á þá Sverri Davíð Sverrisson og Ástvald Jóhannesson sem eru jafnir í öðru til þriðja sæti. Best allra í dag spiluðu Þórarinn Sveinsson og Gunnar Jóakimsson, en Þórarinn var á 83 höggum sem gaf honum hvorki meira né minna en 47 punkta og Gunnar var á 85 höggum og fékk fyrir það 44 punkta. Glæsileg spilamennska við frábærar aðstæður á Nesinu í dag.
Í 4. flokki karla höfðu Björgvin Schram og Guðjón Kristinsson sætaskipti eftir þriðja hring, Björgvin leiðir nú með tveimur höggum fyrir lokahringinn. Þorgeir J Andrésson heldur sem fastast í þriðja sætið.
Í drengjaflokki 14 ára og yngri náði Gunnar Geir Baldursson að verja forystuna með góðum hring í dag, en hann spilaði á 87 höggum. Hann er með sex högga forskot á Sindra Má Friðriksson fyrir lokahringinn á morgun og svo fylgja Hjalti Sigurðsson og Sigurður Örn Einarsson fast á hæla hans aðeins tveimur höggum á eftir.
Öldungaflokkur karla 55 – 69 ára – Úrslit
1 Arngrímur Benjamínsson 72 78 78 228
2 Jóhann Reynisson 79 78 77 234
3 Friðþjófur Arnar Helgason 82 81 74 237
Öldungaflokkur karla 70 ára og eldri – Úrslit
1 Haraldur Kristjánsson 85 88 87 260 *
2 Kjartan Lárus Pálsson 90 85 85 260
3 Leifur Gíslason 90 93 92 275
* Haraldur Kristjánsson vann eftir bráðabana
Öldungaflokkur kvenna – Úrslit
1 Kristín Erna Gísladóttir 92 96 88 276
2 Jónína Birna Sigmarsdóttir 90 95 94 279
3 Þuríður Halldórsdóttir 93 104 89 286
Stúlknaflokkur – Úrslit
1 Kristín Rún Gunnarsdóttir 42 37 39 118
2 Matthildur María Rafnsdóttir 37 33 32 102
3 Margrét Mjöll Benjamínsdóttir 33 33 29 95
C flokkur kvenna
1 Karitas Kjartansdóttir 114 115 114 343
2 Helga Guðmundsdóttir 117 132 99 348
3 Hrefna Haraldsdóttir 127 127 130 384
3. flokkur karla
1 Einar Magnús Ólafsson 90 89 87 266
2 Sverrir Davíðsson 92 90 87 269
3 Ástvaldur Jóhannsson 81 92 96 269
4 Björn Jónsson 91 90 90 271
5 Guðmundur Ingason 91 98 87 276
4. flokkur karla
1 Björgvin Schram 109 97 101 307
2 Guðjón Kristinsson 104 101 104 309
3 Þorgeir J Andrésson 98 108 111 317
4 Halldór Guðmundsson 115 108 110 333
5 Gunnar Lúðvíksson 102 119 115 336
Drengjaflokkur 14 ára og yngri
1 Gunnar Geir Baldursson 90 87 177
2 Sindri Már Friðriksson 90 93 183
3 Hjalti Sigurðsson 97 88 185
4 Sigurður Örn Einarsson 96 89 185
5 Theodór Árni Mathiesen 96 91 187
Sjá nánari stöðu á golf.is
