Meistaramót Nesklúbbsins fer fram dagana 4. – 11. júlí. Skráning í mótið hefst mánudaginn 22. júní og mun standa til fimmtudagsins 2. júlí kl. 22.00. Að sjálfsögðu verður haldið í hefðina er skráninguna varðar og mun hún eingöngu fara fram í möppunni góðu sem staðsett verður í golfskálanum.
Búið er að setja upp flokkaskiptingu og drög að rástímatöflu fyrir mótið sem má sjá hér á síðunni undir „Um NK/skjöl“. Sú tafla miðast við þátttakendafjölda 2014 og eru drög en ekki endanleg uppröðun. Reynt verður eftir fremsta megni að láta leikdagana standa en tímasetningar geta breyst þegar endanleg skráning fyrir mótið í ár liggur fyrir.