Á laugardaginn lýkur formlega golftímabilinu 2016 á Nesvellinum. Skálanum lokar að Bændaglímunni lokinni sem haldin verður á laugardag (sjá nánar golf.is) og völlurinn verður frá og með sunnudeginum 25. september EINGÖNGU opinn félagsmönnum.
Nokkur atriði sem vert er að hafa í huga áður en skálanum lokar:
* Vantar kylfu í settið þitt? Það eru ótrúlega margar kylfur sem orðið hafa viðskila við settið sitt á vellinum í sumar. Kannaðu hvort að það vanti kylfu í þitt sett og ef svo er – komdu og sjáðu hvort hún leynist hér.
* Áttu golfsett í kerruskúrnum? Ennþá eru nokkur sett úti í kerruskúr. Þar sem að skúrinn er ekki upphitaður skaltu nálgast settið fyrir veturinn svo að það liggi þar ekki undir skemmdum í vetur.
* Tapað/fundið – skúffurnar í anddyrinu eru fullar af fatnaði o.fl. sem hefur bæði gleymst og tapast í skálanum og á vellinum – ef þig vantar eitthvað, komdu og sjáðu hvort það er hér.
* Áttu ennþá inneign í veitingasölunni? Allir félagsmenn 20 ára og eldri greiða með félagsgjöldum sínum kr. 7.000 í inneign í veitingasöluna. Hún rennur út eftir laugardaginn þannig að komdu og kannaðu hvort að þú sért ekki örugglega búinn með þína.