Á morgun, þriðjudaginn 18. júní kl. 13.00 hefst skráning í 55. Meistaramót Nesklúbbsins sem haldið verður dagana 29. júní – 6. júlí. Skráning fer eingöngu fram í möppunni gömlu og góðu sem staðsett er í golfskálanum. Þar má einnig nálgast allar frekari upplýsingar um mótið.
Á heimasíðu klúbbsins nkgolf.is/um nk/skjöl eða með því að smella hér má sjá hvenær hver flokkur leikur og hvaða fyrirkomulag er leikið í viðkomandi flokki. Athugið að taflan sýnir áætlaða leikdaga en það mun ekki koma í ljós fyrr en að skráningu lokinni hvernig endanleg niðurröðun verður.
Skráningu í mótið lýkur stundvíslega kl. 22.00 fimmtudaginn 27. júní og verður endanleg niðurröðun flokka birt hér á síðunni föstudaginn 28. júní
Lágmarksfjöldi í hvern flokk er þrír leikmenn. Ef ekki næst tilskilinn fjöldi í einhvern flokk verður hann felldur niður og þátttakendum sem höfðu skráð sig í viðkomandi flokk verður gefinn kostur á að skrá sig í annan flokk.
Í mótsstjórn verða:
Áslaug Einarsdóttir
Erling Sigurðsson
Haukur Óskarsson
Hjalti Arnarson
Jóhann Karl Þórisson
Stefán Örn Stefánsson
Þorsteinn Guðjónsson