ECCO innanfélagsmótið fór fram í blíðskaparveðri á Nesvellinum í dag. Mótið er forkeppni fyrir annarsvegar bikarmeistara Nesklúbbsins þar sem 32 efstu í höggleik með forgjöf komast áfram og Klúbbmeistara í holukeppni hinsvegar þar sem 16 efstu í höggleik án forgjafar komast áfram. Fullt var í mótið og komust færri að en vildu. Mjög góð skor litu dagsins ljós og stefndi m.a. allt í að Nökkvi Gunnarsson væri að gera tilkall til vallarmetsins er hann lék fyrri níu holurnar á 31 höggi þar sem hann fékk þrjá fugla og einn örn. Seinni níu holurnar lék hann svo á pari og samtals á 67 höggum sem er glæsilegur árangur. Mágkona Nökkva, Ragna Björg Ingólfsdóttir átti svo sannkallaðan draumahring er hún lék á 82 höggum. Hún lék seinni hringinn glæsilega á 38 höggum eða tveimur höggum yfir pari. Ragna sem var með 20 í vallarforgjöf í mótinu var því á 62 höggum nettó og fékk 46 punkta sem ætti að verða dágóð lækkun á forgjöfinni. Helstu úrslit í mótinu urðu annars eftirfarandi:
Höggleikur án forgjafar:
1. sæti – Nökkvi Gunnarsson, 67 högg
2. sæti – Gauti Grétarsson, 70 högg
3. sæti – Rúnar Geir Gunnarsson, 71 högg
Höggleikur með forgjöf:
1. sæti – Ragna Björg Ingólfsdóttir, 62 högg nettó
2. sæti – Þórarinn Sveinsson, 64 högg nettó
3. sæti – Ellen Rut Gunnarsdóttir, 67 högg nettó
Nándarverðlaun:
2./11. braut: Heimir Örn Herbertsson, 53 cm. frá holu
5./14. braut: Valur Kristjánsson, 1,69 m. frá holu
