Krakkaaðild

KRAKKAAÐILD 2022

  • Öll börn 15 ára og yngri sem eru skráð á æfingar og hafa greitt æfingagjöld hjá Nesklúbbnum fá aðildanúmer í klúbbinn og geta þannig bókað rástíma með forráðamanni samdægurs (eftir kl. 20.00 kvöldið áður á Golfbox) og eftir kl. 15.00 um helgar. —– Gjald kr. 21.900
  • Öll börn/unglingar 15 ára og yngri sem eiga fjölskyldumeðlim í klúbbnum geta fengið aðildarnúmer í NK og geta þannig bókað rástíma með forráðamanni samdægurs (eftir kl. 20.00 kvöldið áður á Golfbox) og eftir kl. 15.00 um helgar. —- Gjald kr. 27.900

Hvað er krakkaaðild í Nesklúbbnum?

  • Krakkaaðild er leið fyrir þau börn og unglinga á biðlista og eru að bíða eftir inngöngu í klúbbinn. Krakkaaðild felur í sér að viðkomandi  fá aðildarnúmer innan GSÍ, leikið undir merkjum Nesklúbbsins og fengið aðgang á vefforritið Golfbox.   Barn með krakkaaðild getur þannig bókað sér rástíma á öllum golfvöllum landsins og fengið forgjöf.

Hverjir geta fengið krakkaaðild?

  • Stjórn klúbbsins ákveður á ári hverju hversu mörgum aðildarnúmerum skal úthlutað. Fyrir árið 2022 verður samtals 100 einstaklingum boðin auka- og krakkaaðild.  Reynt verður eftir fremsta megni að dreifa fjöldanum á þessa tvo hópa af sanngirni en þau börn sem eru farin að keppa á GSÍ mótum munu njóta forgangs.

Hver er munurinn á krakkaaðild og fullri aðild?

  • Megin munurinn er sá að með fullri aðild er hægt að bóka rástíma á Nesvellinum með fimm daga fyrirvara á meðan í krakkaaðild er hægt að bóka rástíma með dagsfyrirvara (eftir kl. 20.00 kvöldið áður) eða samdægurs. krakkkaðild veitir heimild til þess að leika í öllum innanfélagsmótum á vegum klúbbsins þ.m.t. Meistaramóti Nesklúbbsins

Hvað er innifalið í krakkaaðild?

Innifalið í krakkaaðild er:

  • Aðildanúmer í Nesklúbbinn og aðgangur að Golfbox
  • Ótakmarkaður aðgangur að Nesvellinum tímabilið 2022 að uppfylltum ofangreindum skilyrðum.
  • Hægt er að bóka sig á rástíma á Nesvöllinn kl. 20.00 kvöldið áður eða samdægurs.
  • Allir í krakkaaðild fá forgjöf ef þeir hafa hana ekki fyrir og geta leikið til forgjafar hvort heldur sé á Nesvellinum eða annarsstaðar.
  • Aðgangur að vinavöllum Nesklúbbsins (sjá Vinavellir hér á heimasíðunni)

Reglur um krakkaaðild:

  • Allir þeir sem fá krakkaaðild að klúbbnum ber í einu og öllu að framfylgja þeim reglum og siðum sem stjórn og/eða aðalfundir félagsins setja félagsmönnum sínum hverju sinni. Allar slíkar upplýsingar má nálgast á heimasíðu klúbbsins og hvetjum við alla til að kynna sér þær.

Sækja þarf formlega um krakkaaðild á netfangið nkgolf@nkgolf.is eða á skrifstofu klúbbsins.