UPPLÝSINGAR UM AUKAAÐILD Í NESKLÚBBINN
Hvað er aukaaðild í Nesklúbbnum?
- Aukaaðild er leið fyrir þá einstaklinga á biðlista og eru að bíða eftir innöngu í klúbbinn. Aukaðild felur í sér að viðkomandi fá aðildarnúmer innan GSÍ og aðgang á vefforritið Golfbox. Félagi með Aukaaðild getur því bókað sér rástíma á öllum golfvöllum landsins og fengið forgjöf.Hverjir geta fengið aukaaðild?
- Stjórn klúbbsins ákveður á ári hverju hversu mörgum aðildarnúmerum skal úthlutað. Fyrir árið 2026 verður 150 einstaklingum boðin aukaaðild og verður þeim fyrst boðin slík aðild sem efstir eru á biðlistanum. Einnig geta börn 15 ára og yngri sem eiga fjölskyldumeðlim i klúbbnum og/eða eru skráð á æfingar og hafa greitt æfingagjöld hjá NK sótt um aukaaðild (sjá nánar undir krakkaaðild). Reynt verður eftir fremsta megni að dreifa fjöldanum á þessa þrjá hópa af sanngirni.
Hver er munurinn á aukaaðild og fullri aðild?
- Megin munurinn er sá að með fullri aðild er hægt að bóka rástíma á Nesvellinum með allt að 14 daga fyrirvara á meðan í aukaaðild er hægt að bóka rástíma með tveggja daga fyrirvara (eftir kl. 20.00) eða samdægurs. Aukaaðild veitir ekki heimild til þess að leika í Meistaramóti Nesklúbbsins og ECCO Bikarkeppninni. Önnur innanfélagsmót og/eða viðburði er heimilt að skrá sig á með dags fyrirvara
Hvað er innifalið í aukaaðild?
- Innifalið í aukaaðild er:
- Aðildanúmer í Nesklúbbinn og aðgangur að Golfbox
- Innifalið eru 15 hringir* á Nesvöllinn tímabilið 2026
- * Fullnýti viðkomandi ekki hringina 15 fyrnast þeir í lok sumars.
- Hægt er að bóka sig á rástíma á Nesvöllinn kl. 20.00 tveimur dögum áður, daginn áður eða samdægurs. Athugið – þessa 15 hringi er eingöngu hægt nýta með því að bóka í gegnum Golfbox og nota þannig „afsláttarkóðann/voucher“ í gegnum GolfNext. Ef bókað er í gegnum skrifstofu eða veitingasölu að þá þarf að greiða fullt gjald. Ef bókað er með meiri fyrirvara en þessir tveir dagar sem gefnir eru, þarf að greiða fullt gjald og forbókunargjald að auki.
- Allir í aukaaðild fá forgjöf ef þeir hafa hana ekki fyrir og geta leikið til forgjafar hvort heldur sé á Nesvellinum eða annarsstaðar.
- Aðgangur að vinavöllum Nesklúbbsins (sjá Vinavellir hér á heimasíðunni)
Reglur um aukaaðild:
- Allir þeir sem fá aukaaðild að klúbbnum ber í einu og öllu að framfylgja þeim reglum og siðum sem stjórn og/eða aðalfundir félagsins setja félagsmönnum sínum hverju sinni. Allar slíkar upplýsingar má nálgast á heimasíðu klúbbsins og hvetjum við alla til að kynna sér þær.
Aukaaðild fyrir árið 2026 kostar kr. 77.500.-