Í kvöld fór fram uppskeruhátíð barna- og unglingastarfs Nesklúbbsins árið 2011. 20 gallvaskir krakkar mættu í Keiluhöllina í Öskjuhlíð og spiluðu keilu og gæddu sér á ljúffengum pizzum. Ágæt tilþrif sáust í keilunni þótt flestir ef ekki allir búi yfir meiri leikni með kylfunni.
Eftir matinn og keiluna voru síðan afhent verðlaun fyrir góða frammistöðu á árinu. Eftirtaldir aðilar fengu viðurkenningar að þessu sinni:
Fyrir framfarir á árinu 2011, Sveinn Rúnar Másson.
Fyrir framfarir á árinu 2011, Sigurður Örn Einarsson.
Fyrir framfarir og ástundun á árinu 2011, Salvör Ísberg Jónsdóttir.
Fyrir góða frammistöðu á árinu 2011, Hjalti Sigurðsson.
Efnilegasti kylfingur Nesklúbbsins 2011, Helga Kristín Einarsdóttir.
Uppskeruhátíðin var lokahnykkurinn á þessari vertíð. Æfingar hefjast svo að nýju um áramót.
