Kæru félagar.
Eins og fram hefur komið og samþykkt var á aðalfundi í lok nóvember síðastliðnum að þá greiða félagsmenn nú kr. 5.000 sem eru inni í heildarupphæð félagsgjaldanna 2024. Fyrir þessar kr. 5.000 fá félagsmenn kr. 10.000 sem inneign í Trackman golfhermum klúbbsins á Nesvöllum, glæsilegri inniaðstöðu klúbbsins á Austurströnd 5. Athugið að þetta á eingöngu við félagsmenn 26 ára og eldri. Þeir sem yngri eru geta fengið sömu kjör með því að mæta á Nesvelli og greiða þá kr. 5.000 og fá kr. 10.000.- inneign.
Við hvetjum öll sem eiga eftir að nýta inneignina að bóka tíma sem fyrst þar sem gera má ráð fyrir að það verði mikið bókað á næstunni. Hægt er að bóka tíma alveg fram til lok apríl, allt eins og þér hentar best. Og fyrir ykkur sem ekki hafa komið áður þá mun starfsfólk taka vel á móti ykkur aðst0ða og/eða kenna ykkur á Trackman golfhermana sé þess óskað. Í Trackman golfhermunum sem eru þeir fullkomnustu á markaðnum er hægt að spila marga af flottustu og frægustu golfvelli heimsins í 20 stiga hita, stuttbuxum og stuttermabol. Hægt er að bóka tíma á https://boka.nkgolf.is eða með því að hringja í síma 561-1910.
Bókaðu tíma sem fyrst – þetta eru þínir peningar.
Með innahúss golfkveðju,
Nefndin