Hið árlega Einvígi á Nesinu (shoot-out) fer fram á Nesvellinum á morgun. Tíu af bestu kylfingum mæta til leiks í þessu stórskemmtilega móti – félagsmenn og aðrir eru hvattir til þess að mæta og fylgjast með frábærum tilþrifum.
Árlegt góðgerðarmót Nesklúbbsins og DHL Express á Íslandi, Einvígið á Nesinu, verður nú haldið í 20. skipti á Nesvellinum, mánudaginn 1. ágúst næstkomandi. Venju samkvæmt er 10 af bestu kylfingum landsins fyrr og síðar boðið til leiks og munu þau í ár spila í þágu Umhyggju, félags sem vinnur að bættum hag langveikra barna og fjölskyldna þeirra.
Mótið verður með hefðbundnu sniði, þ.e. klukkan 10.00 leika keppendur 9 holu höggleik og kl.13.00 hefst svo Einvígið sjálft, (shoot-out) þar sem einn kylfingur dettur út á hverri holu, þar til tveir berjast að lokum um sigurinn á 18. holu.
DHL Express á Íslandi hefur verið styrktaraðili mótsins frá því að það var fyrst haldið árið 1997 og á þessum tíma styrkt félög eða samtök sem láta sér hag barna varða um hátt á annan tug milljóna króna. Í ár, líkt og þegar mótið var haldið í fyrsta skiptið, er það Umhyggja sem nýtur góðs af og fær eina milljón króna frá DHL en Umhyggja er félag sem vinnur að bættum hag langveikra barna og fjölskyldna þeirra.
Þátttakendur 2016
Alfreð Brynjar Kristinsson GKG Klúbbmeistari GKG 2016
Arnór Ingi Finnbjörnsson GR Klúbbmeistari GR 2016
Aron Snær Júlíusson GKG Sigurvegari Einvígisins 2015
Björgvin Sigurbergsson GK Margfaldur Íslandsmeistari
Hlynur Geir Hjartarson GOS Klúbbmeistari GOS 2016
Karlotta Einarsdóttir NK Klúbbmeistari NK 2016
Kristján Þór Einarsson GM Klúbbmeistari GM 2016
Oddur Óli Jónasson NK Klúbbmeistari NK 2016
Ragnhildur Sigurðardóttir GR Klúbbmeistari GR 2016
Úlfar Jónsson NK Margfaldur íslandsmeistari
Sigurvegarar frá upphafi
1997 Björgvin Þorsteinsson
1998 Ólöf María Jónsdóttir
1999 Vilhjálmur Ingibergsson
2000 Kristinn Árnason
2001 Björgvin Sigurbergsson
2002 Ólafur Már Sigurðsson
2003 Ragnhildur Sigurðardóttir
2004 Magnús Lárusson
2005 Magnús Lárusson
2006 Magnús Lárusson
2007 Sigurpáll Geir Sveinsson
2008 Heiðar Davíð Bragason
2009 Björgvin Sigurbergsson
2010 Birgir Leifur Hafþórsson
2011 Nökkvi Gunnarsson
2012 Þórður Rafn Gissurarson
2013 Birgir Leifur Hafþórsson
2014 Kristján Þór Einarsson
2015 Aron Snær Júlíusson