Félagsgjöld fyrir árið 2020 voru samþykkt á aðalfundi klúbbsins síðastliðinn fimmtudag og má sjá hér á síðunni undir umnk/gjaldskrá. Eins og áður verða félagsmönnum boðnar þrjár leiðir til að standa skil á félagsgjöldum sínum og eru þær eftirfarandi:
1. VISA/EURO: dreift á 6 jafnar greiðslur, fyrsta greiðsla í byrjun janúar.
2. Einn greiðsluseðill: Eingreiðsla með gjalddaga 1. janúar 2020 og eindaga 15. janúar 2020.
3. Fjórir greiðsluseðlar: Dreift á fjórar jafnar greiðslur, gjalddagar 1. janúar, 1. febrúar, 1. mars og 1. apríl og eindagar 15. hvers mánaðar.
Hafi greiðslufyrirkomulagið verið með öðrum hætti á síðasta ári helst það óbreytt nema um annað sé beðið. Þeir sem vilja breyta greiðslufyrirkomulagi sínu frá fyrra ári þurfa að láta vita á netfangið nkgolf@nkgolf.is fyrir föstudaginn 6. desember – ekki verður tekið við breytingum eftir þann tíma.
ATH: það þarf EKKI að láta vita ef greiðslufyrirkomulag skal haldast óbreytt frá fyrra ári
Ákveði félagsmaður að hætta í klúbbnum væri heppilegasti tíminn til þess að láta vita af því núna en þó eigi síðar en 15. febrúar. Berist úrsögn eftir þann tíma fást félagsgjöld ekki endurgreidd nema gegn framvísun læknisvottorðs. Úrsögn skal tilkynna á netfangið: nkgolf@nkgolf.is