Vegna fjölda fyrirspurna skal eftirfarandi komið á framfæri vegna innheimtu á félagsgjöldum fyrir árið 2014.
Nýverið tók Nesklúbburinn í notkun nýtt bókhaldskerfi í stað þess sem áður var. Meðal breytinga sem fylgir því kerfi er útfærsla á innheimtu félagsgjaldanna og þá eingöngu fyrir þá sem greiða hjónagjald eða fyrir þá sem greiða fyrir fleiri en einn meðlim. Í stað eins greiðsluseðils eins og áður var eru núna tveir seðlar/tvær kröfur, einn á hvern aðila. Enginn kostnaður fylgir þessu fyrir félagsmenn.
Hjónagjald fyrir árið 2014 er kr. 134.000. Fyrir þá meðlimi sem greiða félagsgjaldið í fjórum greiðslum ættu því að hafa borist tveir greiðsluseðlar, hvor upp á kr. 16.750. Fyrir eingreiðslu ættu að hafa borist tveir seðlar upp á kr. 67.500.-
Hjónagjald 67 ára og eldri er kr. 105.000. Fyrir þá meðlimi sem greiða slíkt félagsgjald í fjórum greiðslum ættu því að hafa borist tveir greiðsluseðlar, hvor upp á kr. 13.125.- Fyrir eingreiðslu ættu að hafa borist tveir seðlar upp á kr. 52.500.-
Reynt hefur verið eftir fremsta megni að innleiða kerfið með eins litlum breytingum og mögulegt er. Þó hefur því miður borið á fáeinum villum og er beðist velvirðingar á því.
Ef Félagsmenn hafa spurningar eða athugasemdir varðandi félagsgjöldin þá endilega hafið samband á netfangið: nkgolf@nkgolf.is eða í síma: 561-1930.