Það var bálhvasst á Nesinu í morgun þegar meistaraflokkur karla hóf leik og tóku meistaraflokkskylfingarnir flestir hverjir upp blendinga eða járn til að yfirslá ekki fyrstu flötina í upphafshögginu. Til marks um meðvindinn á sjöttu má geta þess að Steinn Baugur yfirsló flötina um 30-40 metra og var höggið líklega ekki undir 360 metrum. Að sama skapi var bullandi mótvindur á par fimm brautunum og reyndust þær mörgum kylfingum erfiðar og dýrkeyptar í dag. Glæsitilþrif sáust þó um allan völl og náðust meðal annars nokkrir ernir. Aðrir flokkar sem hófu leik í dag voru 1. og 2. flokkur karla og A flokkur kvenna.
Sverrir Þór Sverrisson spilaði manna best í fjölmennasta flokknum á meistaramótinu, 2. flokki karla. Hann spilaði á 79 höggum sem gaf honum 39 punkta og verður að teljast gott í vindinum í dag. Hjalti Arnarson og Jóhann Helgi Jóhannesson eru jafnir í öðru til þriðja sæti á 83 höggum.
Í B flokki kvenna heldur Sara Magnúsdóttir forystu eftir tvo hringi. Sara spilaði á 96 höggum í dag og leiðir með 8 höggum. Jafnar í öðru til þriðja sæti eru Sigríður Hafberg og Jónína Lýðsdóttir.
Lægsta skor dagsins átti Ólafur Björn Loftsson en hann spilaði á 68 höggum og leiðir meistaraflokk karla. Í öðru sæti á 76 höggum er Oddur Óli Jónasson og Guðjón Ármann Guðjónsson er þriðji á 77 höggum.
Í A flokki kvenna er Karlotta Einarsdóttir með nokkuð örugga forystu eftir fyrsta dag, en hún spilaði á 79 höggum. Jafnar í öðru til þriðja sæti eru Áslaug Einarsdóttir og Helga Kristín Einarsdóttir á 91 höggi.
Hallur Dan Johansen er efstur í 1. flokki karla á 80 höggum. Baldur Þór Gunnarsson og Andri Sigurðsson eru jafnir í öðru til þriðja sæti á 82 höggum.
Í drengjaflokki 15 – 18 ára leiðir Jónatan Jónatansson með einu höggi eftir tvo hringi, en hringina tvo hefur hann spilað á 154 höggum. Annar er Dagur Jónasson og þriðji Daði Laxdal Gautason, fimm höggum á eftir Degi.
Sjá stöðu efstu manna og kvenna hér að neðan:
2. flokkur karla
1 Sverrir Þór Sverrisson 79
2 Hjalti Arnarson 83
3 Jóhann Helgi Jóhannesson 83
4 Ágúst A Ragnarsson 84
5 Jóhann Valur Tómasson 85
B flokkur kvenna
1 Sara Magnúsdóttir 91 96 187
2 Sigríður Hafberg 101 94 195
3 Jónína Lýðsdóttir 95 100 195
4 Jórunn Þóra Sigurðardóttir 100 103 203
5 Magnea Vilhjálmsdóttir 104 103 207
Meistaraflokkur karla
1 Ólafur Björn Loftsson 68
2 Oddur Óli Jónasson 76
3 Guðjón Ármann Guðjónsson 77
4 Þórarinn Gunnar Birgisson 78
5 Gauti Grétarsson 78
A flokkur kvenna
1 Karlotta Einarsdóttir 79
2 Áslaug Einarsdóttir 91
3 Helga Kristín Einarsdóttir 91
4 Kristín Erna Gísladóttir 94
5 Þyrí Valdimarsdóttir 95
1. flokkur karla
1 Hallur Dan Johansen 80
2 Baldur Þór Gunnarsson 82
3 Andri Sigurðsson 82
4 Gunnlaugur H Jóhannsson 83
5 Jónas Hjartarson 83
Drengjaflokkur 15 – 18 ára
1 Jónatan Jónatansson 75 79 154
2 Dagur Jónasson 76 79 155
3 Daði Laxdal Gautason 79 81 160
4 Sölvi Rögnvaldsson 83 85 168
5 Eiður Ísak Broddason 82 88 170
Sjá nánari stöðu á golf.is.
