Allir þeir flokkar sem hófu leik í meistaramóti Nesklúbbsins í gær spiluðu annan hring í dag. Einnig bættist við drengjaflokkur 14 ára og yngri, en þar eru spilaðar 54 holur í höggleik.
Einhverjar sviptingar urðu í efstu sætum í dag en þó héldu langflestir þeir sem voru í forystu í gær forystu eftir annan hring. Mjótt er þó á munum í mörgum flokkum og margir sem gera tilkall til fyrsta, annars og þriðja sætis.
Í öldungaflokki 55 – 69 ára heldur Arngrímur Benjamínsson forystu eftir að hafa spilað á 78 höggum í dag, sem gefur honum sjö högga forystu fyrir lokahringinn. Jóhann Reynisson er annar með fimm högga forystu á Sævar Fjölni Egilsson í þriðja sæti. Aðeins er eitt högg í næsta mann og aftur eitt högg í þann sem vermir fimmta sæti fyrir lokadaginn og baráttan því hörð og spennan mikil.
Staða efstu þriggja í öldungaflokki karla 70 ára og eldri er óbreytt að loknum öðrum hring og mjótt á munum. Haraldur Kristjánsson heldur forystunni og leiðir með tveimur höggum á Kjartan L. Pálsson. Leifur Gíslason er þriðji, 10 höggum á eftir Haraldi.
Í öldungaflokki kvenna er spennan ekki síðri fyrir lokadaginn. Jónína Birna Sigmarsdóttir varði forystu sína frá fyrsta degi og á þrjú högg á Kristínu Ernu Gísladóttur. Skammt undan er Anna L. Tryggvadóttir, þremur höggum á eftir Kristínu og sex höggum á eftir Jónínu.
Karitas Kjartansdóttir styrkti stöðu sína í fyrsta sæti C flokks kvenna og hefur nú 20 högga forystu að loknum öðrum degi. Helga Guðmundsdóttir er önnur, fimm höggum á undan Hrefnu Haraldsdóttur sem er þriðja.
Guðjón Kristinsson leiðir 4. flokk karla eftir að hafa farið holu í höggi á annari holu í dag. Aðeins eitt högg er í annað og þriðja sætið, en þar eru jafnir Björgvin Schram og Þorgeir J Andrésson. Þess má geta að Gunnar Lúðvíksson sem spilaði með Guðjóni Kristinssyni í holli fór einnig holu í höggi í dag, en það afrek vann hann á 5. holu.
Ástvaldur Jóhannsson leiðir 3. flokk karla með sex höggum. Einar Magnús Ólafsson og Rögnvaldur Dofri Pétursson eru jafnir á 179 höggum samtals, tveimur höggum betri en næstu menn. Stefán Pétursson spilaði manna best í 3. flokki í dag bæði í höggum talið og punktum, en hann spilaði á 86 höggum sem gaf honum 40 punkta og vann sig duglega upp töfluna.
Kristín Rún Gunnarsdóttir fylgdi eftir góðum hring í stúlknaflokki í gær og spilaði á forgjöf í dag eða 36 punktum. Hún leiðir stúlknaflokkinn fyrir lokadaginn og á sjö punkta á Matthildi Maríu Rafnsdóttur, sem á fjóra punkta á Salvöru Jónsdóttur Ísberg og Margréti Mjöll Benjamínsdóttur. Það er því mikil spenna fyrir lokahringinn í stúlknaflokki.
Í drengjaflokki 14 ára og yngri var jöfn og góð spilamennska. Gunnar Geir Baldursson og Sindri Már Friðriksson eru jafnir í fyrsta og öðru sæti á 90 höggum. Í þriðja sæti er Kristófer Orri Pétursson á 95 höggum, einu höggi betri en Sigurður Örn Einarsson og Theodór Árni Mathiesen. Aftur er einungis eitt högg í þrjá næstu menn og því mjótt á munum hjá piltunum.
Hér að neðan má sjá stöðuna í lok dags:
Öldungaflokkur karla 55 – 69 ára
1. Arngrímur Benjamínsson 72 78 150 högg
2. Jóhann Reynisson 79 78 157 högg
3. Sævar Fjölnir Egilsson 76 86 162 högg
4. Friðþjófur Arnar Helgason 82 81 163 högg
5. Hjalti Arnarson 85 79 164 högg
Öldungaflokkur karla 70 ára og eldri
1. Haraldur Kristjánsson 85 88 173 högg
2. Kjartan Lárus Pálsson 90 85 175 högg
3. Leifur Gíslason 90 93 183 högg
4. Bert Martin Hanson 93 92 185 högg
5. Walter Lúðvík Lentz 94 93 187 högg
Öldungaflokkur kvenna
1. Jónína Birna Sigmarsdóttir 90 95 185 högg
2. Kristín Erna Gísladóttir 92 96 188 högg
3. Anna L Tryggvadóttir 96 95 191 högg
4. Þuríður Halldórsdóttir 93 104 197 högg
5. Emilía Margrét Sigmarsdóttir 103 100 203 högg
C flokkur kvenna
1. Karitas Kjartansdóttir 114 115 229 högg
2. Helga Guðmundsdóttir 117 132 249 högg
3. Hrefna Haraldsdóttir 127 127 254 högg
4. Petrea Ingibjörg Jónsdóttir 163 162 325 högg
4. flokkur karla
1. Guðjón Kristinsson 104 101 205 högg
2. Björgvin Schram 109 97 206 högg
3. Þorgeir J Andrésson 98 108 206 högg
4. Gunnar Lúðvíksson 102 119 221 högg
5. Halldór Guðmundsson 115 108 223 högg
3. flokkur karla
1. Ástvaldur Jóhannsson 81 92 173 högg
2. Einar Magnús Ólafsson 90 89 179 högg
3. Rögnvaldur Dofri Pétursson 88 91 179 högg
4. Björn Jónsson 91 90 181 högg
5. Haraldur Haraldsson 88 93 181 högg
Stúlknaflokkur
1. Kristín Rún Gunnarsdóttir 41 36 77 punktar
2. Matthildur María Rafnsdóttir 37 33 70 punktar
3. Salvör Jónsdóttir Ísberg 29 37 66 punktar
4. Margrét Mjöll Benjamínsdóttir 33 33 66 punktar
Drengjaflokkur 14 ára og yngri
1. Gunnar Geir Baldursson 90 högg
2. Sindri Már Friðriksson 90 högg
3. Kristófer Orri Pétursson 95 högg
4. Sigurður Örn Einarsson 96 högg
5. Theodór Árni Mathiesen 96 högg
