Meistaramótið í fullorðinsflokkum hófst í gær þegar 8 flokkar hófu leik í veðurblíðunni sem tók á móti keppendum á fyrsta degi mótsins. Það var heldur hvassara í dag þegar leið á daginn en engu að síður frábær tilþrif og línur farnar að skýrast í nokkrum flokkum. Á morgun klára heldri flokkarnir sitt mót þegar þeir keppendur sem þar eru leika sinn þriðja og síðasta hring. Við erum að keyra lifandi skor í mótinu þannig að allir geti fylgst með og hefur myndast frábær stemning í golfskálanum á meðan á mótinu stendur. Við hvetjum alla, keppendur sem og aðra félagsmenn að gera sér ferð út í skála og sjúga í sig stemninguna sem myndast hefur. Annars má sjá öll úrslit í mótinu inni á golf.is (golfbox) eða með því að smella hér.
