Það verður mikið um að vera í inniaðstöðunni á Nesvöllum í vetur og enn er hægt að tryggja sér fastan tíma fyrir veturinn. Til þess að bóka fastan tíma er best að senda tölvupóst á Nökkva golfkennara, nokkvi@nkgolf.is en einnig er hægt að hringja í síma 561-1910.
Opnunartímar inniaðstöðunnar í vetur:
Allir virkir dagar: 10 til 14 og 17 til 23 (lokað er á milli 14 og 17 vegna æfinga í barna og unglingastarfi).
Laugardagar: 12 til 18 (hægt er að bóka fasta tíma eftir klukkan 18).
Sunnudagar: 10 til 23.
Mótaskrá fyrir veturinn liggur nú fyrir.
Mótaskrá Nesvalla 2022-2023:
1. nóvember til 30. nóvember – Haustmót – Punktakeppni með forgjöf
Einn hringur með golfbox forgjöf í nóvember.
- verðlaun 5 klst inneign á Nesvöllum
- verðlaun 3 klst inneign á Nesvöllum
- verðlaun 2 klst inneign á Nesvöllum
Til að taka þátt þarf að hlaða niður Trackman appinu, panta tíma á Nesvöllum og fá starfsmann til þess að skrá sig inn í mótið.
1. desember til 1. Janúar – Áramót – Höggleikur með og án forgjafar
Ótakmarkaður fjöldi hringja á tímabilinu en aðeins sá besti gildir. Leikið með Golfbox forgjöf.
- verðlaun 5 klst inneign á Nesvöllum
- verðlaun 3 klst inneign á Nesvöllum
- verðlaun 2 klst inneign á Nesvöllum
Til að taka þátt þarf að hlaða niður Trackman appinu, panta tíma á Nesvöllum og fá starfsmann til þess að skrá sig inn í mótið.
10. janúar til 10. apríl – Liðakeppni NK í golfhermum – Greensome
2 leikmenn mynda saman lið sem leikur holukeppni gegn öðru liði með Greensome fyrirkomulagi með Trackman forgjöf. Fyrst er leikið í riðlum og svo farið í útsláttarkeppni. Fjöldi umferða ræðst af skráningu.
Skráningarfrestur er til 5. janúar 2022 á netfangið nokkvi@nkgolf.is
- verðlaun glaðningur frá ÍSAM/Titleist
- verðlaun glaðningur frá ÍSAM/Titleist
Til að taka þátt þarf að vera með Trackman appið og gilda Trackman forgjöf. Til þess að Trackman forgjöf teljist gild þurfa að vera að minnsta kosti 4 leiknir hringir að baki.
1. febrúar til 1. apríl
Meistaramót NK í golfhermum kvennaflokkur með forgjöf og án forgjafar
Meistaramót NK í golfhermum karlaflokkur með forgjöf og án forgjafar
Leiknir eru 3 hringir á tímabilinu sem allir telja. Í flokki með forgjöf er leikið með Trackman forgjöf, til þess að hafa gilda Trackman forgjöf þurfa að vera að minnsta kosti 4 hringir að baki forgjöfinni.
Klúbbmeistari NK í golfhermum er sá sem leikur hringina 3 á fæstum höggum samtals.
Klúbbmeistari NK í golfhermum með forgjöf er sá sem leikur hringina 3 á fæstum höggum með forgjöf samtals.
Verðlaunagripir verða veittir fyrir 3 efstu sætin í öllum flokkum.
Til að taka þátt þarf að vera með Trackman appið og panta tíma á Nesvöllum og fá starfsmann til þess að skrá sig inn í mótið.
