Púttmótaröð Nesklúbbsins
Fyrsta púttmótið í púttmótaröð Nesklúbbsins verður haldið í Laugardalshöll sunnudaginn 16. janúar og það síðasta 17. apríl. Alls eru þetta því 14 sunnudagar á milli kl. 11.00 og 13.00 (ath. leik þarf að vera lokið kl. 13.00). Fyrirkomulag er eftirfarandi:
Heildarkeppni:
Í heildarkeppninni eru gefin stig fyrir árangur hverju sinni. Leiknar eru 18 holur og kostar hver hringur kr. 500.- Heimilt er að spila fleiri en einn hring hverju sinni og kostar hver aukahringur einnig kr. 500 en eingöngu besti hringurinn gildir hverju sinni. Stigagjöf á hverjum leikdegi verður eftirfarandi:
- sæti – 12 stig
- sæti – 10 stig
- sæti – 8 stig
- sæti – 7 stig
- sæti – 6 stig
- sæti – 5 stig
- sæti – 4 stig
- sæti – 3 stig
- sæti – 2 stig
- sæti – 1 stig
Sunnudaginn 17. apríl verða veitt verðlaun fyrir þrjú efstu sætin í heildarstigafjölda.
Hvern sunnudag:
Veitt verða verðlaun fyrir 1. sæti á hverjum sunnudegi.
Lokamót:
Sunnudagurinn 17. apríl verður tvískiptur. Annarsvegar hefðbundin púttkeppni samkvæmt ofangreindu fyrirkomulagi. Að því loknu hefst lokamótið en þátttökurétt í því móti hafa allir þeir er lent hafa í þremur efstu sætunum einhvern sunnudag. Veitt verða verðlaun fyrir þrjú efstu sætin í því móti.
Reglugerð og staðarreglur mótsins er á staðnum en allar nánari upplýsingar veita Nökkvi (893-4022) og Haukur (860-1358).
ATH. Ekki er skylda að taka þátt í mótinu hverju sinni heldur er fólki frjálst að mæta, taka pútthring og njóta góðs félagsskapar. Aðeins fullgildum meðlimum Nesklúbbsins er heimil þátttaka.